私隱政策
askbills 單據管家（「askbills」、「我哋」）由 Forever Gain HK Holding Ltd（香港註冊公司）營運。我哋會按照香港《個人資料（私隱）條例》（第 486 章）處理你嘅個人資料。呢份政策講清楚我哋收咩、點用、交俾邊個、留幾耐，同埋你有咩權利。
1. 我哋收集嘅資料
- 帳戶資料：電郵地址、你提供嘅名稱；將來如果用短訊登入，會收手機號碼。
- 你上載或者轉寄嘅文件：帳單、收據、銀行／信用卡月結單、合約、保養卡等相片、PDF 同電郵（包括電郵內文同附件）。呢啲文件可能包含你同其他人嘅姓名、地址、帳戶號碼（部分或全部）、交易紀錄同金額。
- 你講或者打嘅說話：例如「呢張係公司數」、「八達通 4382 係老婆」。
- 系統由文件整理出嚟嘅資料：日期、金額、收款方、類別、公司／私人、到期日等。
- 使用紀錄：登入時間、裝置瀏覽器類型、IP 地址（防止濫用同保安用途）。
請唔好上載同 askbills 用途無關嘅敏感資料（例如醫療報告、身份證副本），除非你需要我哋幫你保存。
2. 收集目的
- 幫你讀取、分類、記錄同搜尋單據，提醒你到期日，生成報表同報銷清單；
- 登入、保安、防止濫用；
- 聯絡你（登入碼、帳戶通知、服務變動）；
- 改善服務（只會用匿名或者經你同意嘅資料）。
我哋唔會出售你嘅個人資料，亦唔會用你嘅資料做直接促銷，除非事先得到你同意。
3. 交俾邊個（資料轉移）
為咗提供服務，我哋會用以下服務供應商處理你嘅資料。佢哋只可以按我哋指示處理，唔可以用嚟做佢哋自己嘅用途：
- Cloudflare, Inc.：網站寄存、資料庫同檔案儲存（伺服器可能喺香港以外地方，包括美國同亞太區）。
- AI 讀單服務供應商（目前為 Anthropic, PBC，美國）：為咗讀出文件內容，你上載嘅文件會傳送俾 AI 供應商處理。根據供應商嘅商業條款，透過 API 傳送嘅資料預設唔會用嚟訓練佢哋嘅模型。
- Resend：寄出登入碼同通知電郵。
即係話，你嘅資料會轉移到香港以外地方處理。使用 askbills 即表示你明白並同意呢啲轉移。如法律要求（例如法庭命令），我哋可能要向有關當局披露資料。
4. 保存期
你嘅文件同記錄會一直保存喺你嘅帳戶，直到你刪除或者結束帳戶 —— 因為 askbills 嘅用途之一係幫你保存稅務同法律可能要求嘅紀錄（香港一般要求保存 7 年）。你結束帳戶之後，我哋會喺 30 日內刪除你嘅資料（備份會喺之後嘅備份周期內自動清除），法律要求保留嘅除外。
5. 保安
- 全站加密連線（HTTPS）；用一次性登入碼，唔儲存密碼；
- 每個用戶嘅資料分開儲存，其他用戶睇唔到；
- 只有獲授權人員喺處理技術問題或者你要求協助時先會接觸你嘅資料。
冇任何網上系統可以保證百分百安全；如果發生影響你嘅資料外洩，我哋會盡快通知你。
6. 你嘅權利
你可以隨時要求查閱、更正你嘅個人資料，或者要求我哋刪除你嘅帳戶同資料。大部分資料你都可以直接喺 app 入面睇、改、刪除。其他要求請電郵 [email protected]，我哋會喺 40 日內回覆（按私隱條例要求）。
7. Cookie
我哋只用一個必要嘅登入 cookie 嚟記住你已經登入，冇用廣告或者追蹤 cookie。
8. 政策更新
我哋可能會更新呢份政策。重大改動會喺 app 或者電郵通知你。
9. 聯絡
Forever Gain HK Holding Ltd ・ 私隱事宜：[email protected]
封閉測試版本。正式收費前會再更新。